Zaninah PB Lianhminga Tribute Concert
Zanin (April 5, 2024) dar 7:30 hian Dawrpui Multipurpose Centre-ah Mizo musician hriathlawh tak PB Lianhminga hriatrengna leh ama puala concert ‘PB Lianhmingthanga Tribute Concert’ chu neih a ni dawn ta a, ticket man Rs 300 niin, a hmunah lei tur a awm ang.
Mizo musician zinga hriathlawh leh sulhnu ngah ber pawl PB Lianhmingthanga pual concert-ah hian a band lo telna thin Albatross bakah Mizo band tha Dream Hunter, K Hminga band, Boomarang te an inlan ang.
Solo artiste kan hriatlar Jaui, Rebecca Lallawmsangi, Zoramchhani te bakah stage lama kan hmuh tam tawh loh zaithiam huhang nei lian em em thin Liandingpuii, Mimi Renthlei, Mami Varte te pawhin he concert danglam – PB Lianhminga pual hunah hian an aw te an rawn thawh ve leh dawn bawk a ni. PB Lianhminga pual concert hi Janis Hnamte-in a host ang.
Mizo musician zinga music track siam a rimawi khawvela pa hriathlawh ber pawl PB Lianhminga hian a hunlaia studio lar leh lian thin Vega Studio-ah rimawi siam hna bultanin Zozam Studio-ah senior musician niin a vanglaiin zaithiam lar Zoram thang pha chinte chuan ama music siam kher duhin musician pan hlawh ber a ni a. Kum 2000 chho atanga zaithiam lar Zoaram thang pha chinte chuan PB Lianhminga kutchhuak rimawi zairem lo an awm lovang ti ila a sual kher lovang.
PB Lianhminga hi musician hmasa PB Liantluanga fapa niin 1974 khan a piang a, talent nei tha em em mai niin a kalna lam apiangah a thei pawl a ni deuh zel a, infiamna lamah pawh volleyball, badminton leh football thlengin college level, state level leh national level-ahte pawh medal engemawzah a lo la tawh a ni. Rimawi khawvela Mizoramin award kan neih Lelte Award, Rimawi Khawvel Award leh award dang dang vawi engemawzah a lo dawng tawh a ni. PB Lianhminga hian kum la naupang takin May 3, 2023 khan chatuan ram a pan ta a ni.
PB Lianhminga Tribute Concert-a zai turte:
Solo artistes:
Jaui
Mami Varte
Zoramchhani
Stacy
Liandingpuii
Rebecca Lallawmsangi
Mimi Renthlei
Lungmuana
Joe Ralte
PB Lianthangpuii
PB Lianzama
Vanlalpari (Mapuii)
Zorema
Jennifer
Lalhmingsanga
Henry Thanzauva
Bands:
Albatross
Dreamhunter
Tribal Power
K Hminga band
Boomarang
Forever Young
Myth of Fate
Police Unity Band