I duh deuh pawh nise zar cheng reng suh, a duh loh phah hlauh zawk thei che a nia. Min ngaihven se tih kan duh lutukna lamah kan phi cheng a, kan thawmhnaw tha ber nen a kawng kal kan hmuh theihna tur ngeiah, vawikhat innuih sak ringawt pawh thlahlelin kan in tawktarh vel a. Romantic riauin lang mahse, boruak tichhetu a ni zawk hlauh thei, an tih tlat chu!
Hetianga i zar a, i vir buai cheng hian rilru dang a put phah daih thei niin relationship lama mithiam te chuan an sawi a, “Ka lak atang hian eng em em nge maw a beisei le?” tih zawhna te pawh amahah a piang thei. Eng emaw ti taka rinhlelh rukna che a rilruah a tuh thei a, chutiang rilru a pu hlauh a nih chuan engkim a buai vek ang.
An bula midang an lo awm ve te kan ngai thei lova, kan pahnih chauh awm fal deuh reng mai te kan chak thin, a thiante pawh kan lo ning em em thin. Thian dang pawh kawm hman mang loin kan vir buai a, amaha a duhzawng han tih ve theihna hun pawh kan pe meuh lo. Chutiang a nih chuan min pumpelh dan a zawng zawk hlauh thei!
Kan inkar chu vawi lehkhatah fel nghal duak se kan duh thin a, mahse, chutiang a ni ngai lo. A inngaihtuah ve na tur hun te pek thiam tur a ni a, tur tut tut tur a ni lo. Tute mah hi an vawikhat inhriatna atangin an inhmangaih nghal em em ngai lo tih hriat reng tur a ni.
Zar cheng suh
![](https://theaizawlpost.org/wp-content/uploads/tap_logo-min-large.jpg)