Zelensky-a’n Putin-a nena Istanbul-a inbiak a inpeih

Zelensky-a’n Putin-a nena Istanbul-a inbiak a inpeih
Ukrainian President Volodymyr Zelensky-a chuan Ningania Istanbul-a indona titawp tura a ‘mi mal taka’ Russian President Vladimir Putin-a nena inbiak a inpeih tih a sawi.
Putin-a hian Turkey-a ram pahnihte hmaichhana inbiak a rawt hnu lawka Donald Trump-a’n Ukraine pawhin he thil hi a pawm ngei tur a ni tia a sawi hnu lawkah Zelensky-a hian a sawi a ni.
“Inthahna a thlen reng hi a tulna a awm lo. Putin-a hi Ninganiah Türkiye-ah ka lo nghal ang, Mi malin,” tiin Zelensky-a hian social media-ah a tar lang.
A hmain an ram chuan Russia nena inbe turin a inhawng reng tih a sawi a; mahse, inkahhai a awm hnuah chauh a ni thung.
Khawthlang ram liam tak takte chuan Inrinnia Kyiv-a an thutkhawmnaah Europe hruaituten Thawhtannia atanga tan turin ni 30 chhung indo chawlh ni se tiin an duh thu an sawi hlawm.
Hemi hnuah hian Putin-a pawhin hmaichhana inbiak hi a rawt zui ta a ni.
Pathianni khan Trump-a chuan social media-ah he rawtna hi Ukraine pawhin ‘rang taka’ pawm nghal turin a ti a, hei hian indo tihtawpna tur kawng a hawng thei tih a tar lang.
“A lo berah pawh inremna a lo awm thei lo a nih pawhin European hruaitute leh US chuan eng nge thil awm dan an hria ang a, chumi hnua kal zel dan a awm dawn a ni,” a ti a. “Inhmu nghal rawh u!” a ti.
X-ah Zelensky-a chuan Russia chuan inbiak hmain inkahhai a pawm ngei a beisei tih a tar lang zui a. “A kim leh rei daih inkahhai, naktuk atang tan tur kan nghal a, chu chuan indawrna tur a thlen ang,” a ti.
Inrinni zan tlai tawh takah khan Putin-a hian Ukraine chu kum 2022 atanga Russia-in a rûn mekah ‘inbiakna khunkhan’ neihpui a sawm.
Putin-a hian inbiakna hian Russia leh Ukraine ram ten ‘inrintawnna thar’ an nei ang tih erawh a sawi lang nghal lo va, ni 30 inkahhai pawh a sawi ri lo.
Russian hruaitu hian, “Hei hi Ukrainian sipaiten ralthuam leh mi thar an lak hnu leh trench thar laia tanhmun thar an lak hnua rei tak, muanna tluantling a awmna tur zawk a ni,” tiin a sawi a ni.
Moscow hian a hmain Russia-in inkahhai a puan hmain khawthlang ramten sipai thila Ukraine an puih thin an tihtawp a phut hmasa.
Inrinni khan Ukrainian president chuan Kyiv-ah UK Prime Minister Sir Keir Starmer, France President Emmanuel Macron, Germany Chancellor Friedrich Merz leh Poland Prime Minister Donald Tusk te a mikhual a. Hei hi a hnuah Trump-a ruahmanna sawihona nia sawi a ni.
An thutkhawm zawha Zelensky-a nen thuthar lakhawmtute an kawmnaah Sir Keir-a chuan Putin-a’n ni 30 awh inkahhai a puang lo a nih chuan Russia-a energy leh banking sector-te chu ‘tha thar leh na zawkin’ an hrek tur thu a sawi a ni.