Politician tawnhriat ngah tak kum tam tak chhung thil hrang hranga inhmang tawh Zimbabwe a opposition leader Nelson Chamisa chu kum 45 chauha upa niin mi tam ber te chuan “mukomana” emaw “young man” tia hriatlar leh koh a ni.
A hming lem an phuahna chhan ber hi amah leh president ni mek Emmerson Mnangagwa kum 80 a upa kum inthlauhna sawi nan bera an hman a ni.
Zimbabwe-ah hian langsar takin mipui nawlpui titinaah politician te an hming fakin an ko emaw sawi lo tlangpui hrim hrim bawk.
Mineral lama hausa tak Zimbabwe hi ‘dictator’ kal angin a kal deuh ber mek tiin Chamisa chuan a sawi a.
Chamisa hi lawyer leh church pastor niin Citizens Coalition for Change (CCC)- rorel lai ZANU-PF kum 1980 atanga thuneihna chang tawh paihthla thei ber dinhmuan ding mek an ni.
Harsatna an tawk nasa nghal hle thung a, CCC rally neih tum te chu phalsak loh an nih bakah an member lawk tak tak te chu mana lung ina khungin an awm bawk.
Amah Chamisa ngei pawh tum tam tak man tawk tawh niin kum 2007 phei kha chuan nasa taka sawisak niin thi tura kalsanin a awm a. Ni nga chhung lai damdawi inah a awm phah a ni.
Kum 2021 khan amah thah tuma beih ni tawh bawkin a chuanna covnoy chu silai hmanga kah niin ‘ka la dam hi ka vannei a ni’ tihialin a sawi.
Kum 1999-a din Opposition Movement for Democratic Change (MDC) a zawm a, he party dintu leh a mentor ni bawk leader Morgan Tsvangiri kum 2018-a a thih hnuah thuenihna a chang zui a ni.
Mahse he mi kum vek hian inthlanpui neihah Chamisa chuan Mnangagwa chu vote tlemte chauhin a hneh lo va, kha inthlan kha hun rei tak rorel tawh Robert Mugabe thlak nana inthlan hmasak ber a ni.
Nikum khan Chamisa chuan MDC chhuahsanin CCC a din zui ta a, Zimbabwe thar ‘mi tin tana awm’ eirukna dotu, economy siamthat tum leh khawvelin a kawmserh ata insiamthat tum anga kalpui tum a ni.
Sakhuana chu Chamisa message laimu leh pui ber niin mahse hei tak hi analysts te chuan middle-class urban te an party chakna te tiphur lo thei an ti ve thung.
CCC manifesto-ah ‘Pathian’ tih chu tum 40 chuang ziah lan niin an thupui berah pawh Zimbabwe chu ‘Pathian hmangaiha a, Pathian chawimawi leh Pathian hlau ram’ tih chu a ni. “God is in it” tih an campaign slogan a ni abwk.
Chamisa hi capital Harere chhim lama Masvingo a piang niin University of Zimabwe atangin law leh political science a zirchhuak a, theology ah degree a nei bawk.
Zirna lama a ngaih pawimawhna chhan chu a nu leh pa tuh liau liau tiin a sawi bawk a. Kum 1990 chhova Zimbabwe National Students Union tena Mugabe sorkar laka lungawilohna an lantira sulsutu ber a ni bawk.
Zimbabwe-ah Chamisa lar zual zel
