Kan muthilh hian kan taksa a lo riltam ve a, zing kan thawh hlimah kan lo dehydrate ve deuh thin. Kan muthilh lai pawh kan thaw leh thlan atangin kan taksa atangin tui a chhuak ve reng a ni. Chuvangin zing thawh hlima tui kan in nghal hian kan taksain tui a mamawh ang kan la lut nghal tihna a ni a, metabolism a tichak a, taksa hriselna atan a pawimawh bawk. Times of India-in zing thawh hlima tui in nghal a pawimawhna leh thatna ni a an tarlan te kan rawn chhuah chhawng e.
1. Zana kan muthilh hlanin kan thaw leh thlan atanin kan taksa atangin tui a chhuak ve reng a, zing kan thawh hian kan lo dehydrate deuh thin a, chuvangin kan ni deuh chuai a, rilru ngaihtuahna te a thiang nghal kak thei lo a, taksa chetvel pawh a sak deuh talh thin.
2010-a Jéquier & Constant zirchianna-in a tarlan dan chuan zing thawh hlima tui in nghal hian mi a tiharhvangin, ngaihtuahna te a tifim bik a, taksa sawizawi leh chetvel pawh a nuam bik a, nilengin kan harhvang zawk a ni.
2. Metabolism a tichak. Zing thawh hlim, kawruah laia tui kan in hian metabolism a tichak a, chu chu thermogenesis an ti a, taksain thau a tiral chak duh bik a ni. Boschmann et al. (2003) research atanga an hmuh chhuah chu tui litre chanve kan in hian metabolism a tichak bik a, minute 30-40 chhungin 30%-in metabolism a tichak thei. Zingkara tui kan in hian nilengin kan taksain calorie a burn chak sawt thei dawn a ni.
3. Detox leh digestion. Tui hi kan thil ei paitawih nan a pawimawh a, ril vela kan chaw ei tikal veltu a ni a, kal (kidney) in taksa atanga thil tha lo a thlitfimna kawngah a pui bawk. Popkin et al. (2010) zirchianna atanga an hmuh danin kan mamawh ang tui kan in hian kan ril vela kan thil ei te a tawlh tha duh bik a, chu chuan digestion leh inthiar vel a tinuam thei. Hei bakah hian kal (kidney) hnathawh a tichak a, taksa atanga thil tha lo paihchhuah kawngah kal hnathawh a tichak.
4. Lu-na damdawi. Kan taksa mamawh ang tui kan in loh chuan lu na kan neih phah thei. Kan zing tho kan lu a rit deuh bur thin a nih chuan kan mut hlana kan lo dehydrate vang a ni thei. Chuvangin zing thawh hlimna taksa han rehydrate nghal a pawimawh hle a ni.
Engtia in tur nge:
– Zing thawh hlimah 250-500 ml tal in nghal a tha
– Thil thlum leh caffeine awmna in nghal loh tur.
– Tui vawt aiin room temperature emaw tui lum pep pep emaw in a tha zawk.
– Exercise la nasa chi i nih chuan exer lak zawhah tui in tam tur a ni.
Zing thawh hlima tui in nghal tur
