Zirlai harsa chhawmdawl
ngai 38 hnenah puihna pe
Mizoram Primary Teachers’ Association (MPTA) chuan Nilaini khan zirlai harsate tanpuina, Student Endowment Fund an sem a, School Education director Angela Zothanpui’n a hmanpui. Kumin hi student endowment fund an sem tum thumna a ni.
MPTA hian zirlai lehkha thiamthei, khawsak harsate tanpuina dawng turin an zawng chhuak a. Joint Headquarters 1 leh Sub-Headquarters 18 atangin zirlai pahnih theuh, an vaiin 38 an thlang chhuak. Heng mite hi tanpuina an hlan a ni.
Tanpuina dawng tur zirlai thlante hi a then chu thingtlang kilkhawr tak taka awm an ni a. Aizawlah an hruaikhawm a, anmahni hruaitute nen an kalna senso an tumsak vek a, Aizawl khawpui chhung hmun pawimawh hrang hrang – Science Centre, Aizawl Lungdawh leh Millennium Centre bakah zan lamah Krismas puala Aizawl khawlai cheimawi an fanpui a ni.
Zirlai harsa chhawmdawl ngai 38 hnenah puihna pe
