Govt. Republic Higher Secondary School Ramthar Veng Aizawl chuan kumin HSSLC Exam result chhuakah science-a 100% an pass lawm pahin zirlai lut tharte lawmna Ningani khan an hmang. Sawrkar school bikah science stream-a 100% pass awmchhun an ni.
An school atanga class XII pass thar zawng zawng hnenah lawmpuina certificate hlan an ni a. Class XII (Science) pass tharte hnenah an class teacher-ten special prize hlanin, science zirtirtute hnenah Letter of Appreciation hlan a ni bawk. Senior lecturer Dr Lalhmingmawia Ralte chuan Mizo subject-a letter marks hmu mi 19 hnenah special prize a hlan a ni.
Higehr & Technical Institute of Mizoram (HATIM) pawhin Nilaini khan an zirlai graduate chhuakte thlahna vawi 15-na an hmang a, Lunglei High Powered Committee vice chairman V Malsawmtluanga, MLA leh Lunglei bawrhsap Ramdinliani ten an hmanpui.
Tun tumah hian zirna peng hrang hranga graduate thar mi 128 an thlah a; graduate hi BCA-ah 14, B.Com 41, BSW 17, Education-ah 14, English core-ah 15, History 12, Philosophy 5 leh Psychology 10 thlah an ni.
Zirlai pass-te lawmpui
