Mizoram Police Raising Day vawi 51-na pualin Cyber Crime Police Station chuan zirlaite hnenah cyber crime laka an himna tura an hriat tur tul an zirtir.
Cyber Crime Police Station staff-te hian kar kalta chhung khan Aizawla school pali – Pentecostal Gateway High School, St. Paul’s HSS, Candid English School leh Goodwill Foundation School ah cyber crime awareness drive an nei a. A belhkhawmin zirlai 530-in him zawka internet hman dan leh bumna hrang hrang awm thei leh chutiang laka inven dan zirtirna an dawng a ni.
Mizoram Police din champha denchhen hian January 20 khan Police Hqrs. Aizawlah hun hman a ni bawk a. Aizawla police officer deputy SP chin chunglam an tel. Mizoram Police hlawhtlinna leh hmalaknate powerpoint presentation-a inhrilh a ni a. Addl DGP Ajay Choudry chuan thu a sawi.
Mizoram Police Unit hrang hrangten Raising Day pual hian vantlang hna an thawh bakah hemi puala tournament siamin hun hman a ni.