Ministry of Health & Family Welfare hnuaia National AIDS Control Organization (NACO) chuan HIV/AIDS chungchang thalaite zinga inhrilhhriatna hmanrua pakhat atan state tinah zirlaite tan quiz competition buatsaih nise, a ti a. Hemi atan hian Mizoramah pawh State AIDS Control Society hmalakna in class 8, 9 leh 11 zirlaite tan Red Ribbon Quiz Competition neih a ni dawn.
Inelna hi chhawng hrang hranga neih tur niin, school level competition neih hmasak ber a ni anga, chuta titha thlanchhuahte chu district level-ah an tel ang. District level-a titha thlanchhuahte chu state level-ah tel lehin, chumi hnu ah regional level inelna kumin November- December chhunga neih turah an tel ang. Regional competition hi national level-in dawt lehin, national level inelna hi 2024 January 12-a neih tum a ni.
Zirlaite quiz-ah inel dawn
