India zalenna champha vawi 75-na lawmna kal zel Azadi Ka Amrit Mahotsav programme, Tiranga Mahotsav chu Thawhlehni khan Art & Culture department huaihawtin zirna in hrang hrangah Tiranga Exhibition buatsaih tan a ni.
A nikhatnaah hian Aizawl khawpui chhunga zirna in 12-ah Tiranga Exhibition neih a ni a, vawiin - August 6 hian zirna in 12-ah exhibition hi neih chhunzawm a ni ang. Hemi rual hian Mizorama district tinah bawrhsap-te ruahmanna-in Tiranga Exhibtion hi neih tan a ni bawk.
Tiranga Exhibition hi August 2 – 8 inkarah zirna in leh vantlang hmun hrang hrang 79-ah neih tur a ni a. India national flag pian chhuah dan, a awmzia, India zalenna sualnaah Tiranga a pawimawh zia leh hlutzia bakah Har Ghar Tiranga campaign tarlanna a ni.
August 9-12 chhung hian India ram state tinah Tiranga Mela, Tiranga Concert, Tiranga Rally buatsaih a ni anga, August 13-15 hian national flag tar runpui neih a ni ang.
