Michigan a English zirtirtu, kum 90 mi chu classroom-a a awm laiin Guinness World Records lamin hrilh lawk awm lovin a record siamna certificate an hlan thut. He zirtirtu hi kum 67 zet an school-ah hian zirtirtu hna a thawk tawh a ni.
A hming chu Beverly Hannett-Price a ni a, Detroit Country Day School, Beverly Hills-ah English zirtirtu a ni a, Guinness World Records chuan hmeichhe zinga language zietirtu hna thawk rei ber record-ah puangin, record a siam tih lantirna certificate an hlan ta a ni.
Hannett-Price hian 1958 atangin zirtirtu hna hi a lo thawk tan tawh a, a zirtir tawhte zinga mi ropui tak tak pawh an lo awm taw a, Tony leh Emmy Award pawh lo dawng tawh Courtney B Vance chu a student hlui niin, ani certificate hlannaah hian guest speaker a ni nghe nghe. Actor hriathlawh tak Robin Williams leh Microsoft CEO hlui Steve Ballmer te pawh Pi Hannett-i zirlai an lo ni tawh thin a ni.
Hannett-Price chuan kum 90 mi ni tawh mah se a hna chu chawlhsan a la tum loh thu sawiin, “Chawlh tumna ka la nei lo a, chutiang chu ka ngaihtuahnaah pawh a la awm ngai lo. He school hi ka hmangaih a, zirtir hi nuam ka ti bawk,” a ti.
Zirtirtu hna thawk rei ber
