Zirtirtu laknaa telh ‘observer’ ruattu SPD

Samagra Shiksha hnuaia zirtirtu laknaa pawnlam mi, ‘observer’ dah tel chu state project director ruat an ni.
Assembly Session neih zawh taka ziaka zawhnaah, zirtirtu latu tur Selection Board tih dik leh dik loh viltu tur observer-te chu SPD-in a ruat a ni, tiin School Education minister Dr Vanlalthlana chuan a chhang a. Observer-te hian an thil hmuhchhuah report chu sawrkarah an thehlut dawn tih a sawi.
Observer-te report chu Selection Committee hian pawm lo ta se, tu thu nge tlang zawk ang, tia zawhnaah minister chuan, Selection Committee thutlukna hi hman tur a ni a, observer leh Selection Committee ngaihdan inang lo lian tak a awm chauhin sawrkar a inrawlh anga, sawrkarin a thu tlang tur zawk a ngaihtuah ang, tiin a chhang.