Zirtirtu post 3600 chuang ruak

Zirtirtu indaih lohna a nasa a, Mizoramah primary school atanga higher secondary school thlengin zirtirtu post ruak 3600 chuang a awm mek.
Primary school-ah post ruak 1264 a awm a, middle school-ah 1448, high school-ah 890, higher secondary chool-ah post 65 a ruak mek.
Post ruak zawng zawng hi 3667 a ni a, mahse post engemaw zatah chuan a nghet lova thawk, casual teacher leh MR an awm. Casual leh MR-a thawk mi 2231 an awm a, chumi chhiar tel chuan post 1436 a ruak tiin a sawi theih ang.
Primary school-ah erawh a nghet lova thawk an thahnem a, post awm zawng zawng aia tam zirtirtu an awm lawi!
Tuna primary school-a post awm zawng zawng sanctioned post chu 2469 a ni a, chung zingah chuan post ruak 1264 a awm. Casual-a thawk mi 678 leh MR-a thawk mi 766, an vaiin mi 1444 an awm a, chumi nena chhiar chuan zirtirtu zawng zawng hi sanctioned post aiin 200-in an tam.
Primary school-ah hian sorkarah zirtirtu 671 lak belh phalna an dil mek a, middle school-ah zirtirtu 544 lak belh phalna an dil mek.
Sanctioned Post Post ruak
HSS 442 65
HS 1474 890
MS 2426 1448
PS 2469 1264