Zoram Medical College Faculty Doctors Association (ZFDA) chuan Zirtawpni khan anmahni hmunah annual conference vawi khatna an hmang.
He hun hmanpuitu Mizoram University vice chancellor Prof. Dibakar Chandra Deka chuan Zoram Medical College chu MZU hnuaia affiliated college a ni chu lawmawm a tih thu a sawi a. Ram hmasawnnan discpline hrang hrang thawhhona a pawimawh tih sawiin, ZMC faculty-te chu Mizoramin hriselna lama hma a sawn zel theih nan leh MBBS zirlaite doctor tha tak an nih theih nan theihtawp chhuahzel turin a chah.
Conference-ah hian ZMC din theih nan leh hmasawn nana thawhhlawk – ZMC director hlui Prof L. Fimate, director ni lai Dr John Zohmingthanga leh registrar Dr Jane R Ralte te an chawimawi a, rorel a nih bakah kum 2023-2025 chhunga ZFDA hruaitu tur thlan a ni a. Continuing Medical Education (CME) neih niin, Dr C Vankhuma, Dr R Lalrinmawia, Dr Christina Zosangpuii leh Dr Lynda B Zohlupuii ten thupui thlan bik neiin thu an sawi a ni.
ZMC faculty inkhawmpui
