Zo chawhmeh hmangin zirlai inel
INTACH Hqrs. New Delhi bultumin Ningani khan DIET Aizawl Chaltlangah INTACH Mizoram Chapter leh School Education Directorate chuan All India Essay & Poster Competition 2023 – ‘Khana Khazana: My Food Heritage’ chu school naupang, class 7-9 zirlaite tan an buatsaih a, Aizawla school hrang hrang atangin naupang engemawzat he inelnaah hian an tel.
Kumin state level essay leh poster competition-ah hian zirlaiten mahni hnam chawhmeh leh ei rawngbawl chungchang lem ziak leh essay hmangin an inel a. Mizote chawhmeh leh bawl hlo – bai, sawhbawl, saum leh chingalte he inelnaah hian pholan an ni.
Intihsiaknaa zirlai telte hi certificate pek vek an ni dawn a. Regional lawmman 100 leh national mawmman 10 a awm a, chu’ngte chu INTACH Hqrs-in a thlang dawn a ni.
INTACH hian zirlaite tan hnamro (heritage) hrang hrang – khuanu duan sa (natural), mihring siamchawp (built heritage), hnam zia leh tawng (cultural heritage) an vawn a, humhalh duhna thinlung an neih zel theihna turin program a siam thin a; Mizo zirlai zingah lawmman dawng an awm fo tawh a ni.
Zo chawhmeh hmangin zirlai inel
![](https://theaizawlpost.org/wp-content/uploads/tap_logo-min-large.jpg)