ZPM chauhin CM Special Package dawng dawn

ZPM chauhin CM Special Package dawng dawn
ZPM party mite chauhvin Chief Minister Special Package an dawng tawh dawn tih Lunglei North bialtu MLA-in a sawi.
Lungleia ZPM party office-ah January ni 12 khan Lunglei North bialtu V Malsawmtluanga, HPC vice chairman-in thu a sawi a, MLA-te an inhmuhkhawm thu sawiin, ZPM chauhin chief minister special package an dawng tawh dawn tih a sawi. A dawng ve duhte chu an party zawm turin a sawm bawk.
“MLA-te kan thukhawm a, kan chief minister chu Pu Lalduhoma, ZPM a ni a, chumia nih avang chuan CM special package hi chu ZPM chauhvin an dawng tawh dawn a ni. Special package kan dawng ve duh a nih chuan rawn ZPM ve mai rawh u tih kha, party dangte pawh kan han sawm bawk che u a ni,” tiin a sawi.
MLA hian contract chungchang pawh a sawi a, an mi leh sate’n contract an hmuh zel tur thu a sawi.
“Contract te pawh, kan mi leh sate chuan in hmu zel ang, Pathian zarah hei kan sum a ziaawm chho zel a,” a ti.