ZPM-in PACS a ngaihpawimawh dawn
– Lalchhuanthanga, MLA
ZPM a sawrkar chuan Primary Argicultural Credit Society (PACS) a ngaipawimawh dawn tih MLA Lalchhuanthanga chuan a sawi.
Salem Venga Multipurpose Farming Cooperative Society Ltd. (PACS) office chu Thawhlehni khan Aizawl South II bialtu MLA Lalchhuanthanga hian a hawng a. Ram hmasawnna atana PACS pawimawh zia a sawi. Pathian leh mipui zara ZPM-in sawrkarna a chang a nih chuan PACS an ngaihpawimawh zual tur thu sawiin, a bial chhung ami Salem Vengin PACS din nachang an hria chu lawmawm a tih thu leh a theihna apiangah a thlawp tlat tur thu a sawi a ni.
Salem Veng Multipurpose Farming Cooperative Society Ltd. hnuaiah hian member 301 awmin, share holder mi 44 an awm mek a. Saving account nei 126 awmin Pigmy daily deposit dah mi 177 an awm. Loan cheng nuai 10 chuang pekchhuah tawh niin, Common Service Centre nei turin hma an la mek a, Mizoram Cooperative Apex Bank Ltd. ah share 200 an nei mek bawk.
ZPM-in PACS a ngaihpawimawh dawn – Lalchhuanthanga, MLA
