- MNF Thalai
ZPM MLA-te kawng vil
hi thawktute tibuaitu mai
- MNF Thalai
ZPM MLA-ten Buichali leh Khamrang inkar kawng siam mek nitina an vil thin chu sum tihektu, engineer leh thawktute tibuaitu mai a ni tih an hmuhchhuah thu MNF Thalai chuan an sawi.
MNF Thalai Hqrs hruaitute hian Ningani khan Buichali leh Khamrang inkar kawng chhe lai siamthat mek chu a hmunah enin nitina vil tura inti ZPM minister leh MLA-te duty dan an enfiah a, MLA-te a hmuna an duty dan chu intih lar tumna, drama a ni tih an finfiah thu an sawi.
Helai kawng hi ZPM sawrkarin nikum lama a intiam anga hma a lak loh vang leh kawngpui siamna atana cess an lak khawm sa a hmanna tura an hman loh vang a ni tih sawiin, ZPM minister leh MLA ten detailment siama Khamrang- Buichali road invil chhawk tur an inruat chu PWD minister-in a hna a tlin loh zia lannaah an ngai a. PWD minister hian a ngaihna a hre thlawt lo a nih chuan mawha laa bang ngam turin an phut tih a sawi a ni.
‘ZPM minister leh MLA-te hian lirthei changkang nena tlan kual ringawt loa, awmchilha riahchilh turin kan ngen a ni,’ MNF Thalai chuan an ti.