Zoram People’s Movement president atan tuna nilai mek Lalliansawta chu thlantlin a ni a. Vice president ah W Chhuanawma leh treasurer ah Lalchhuanthanga, MLA te thlan an ni.
ZPM hian Ningani khan General Assembly vawi 1-na Aizawlah an nei a. Kum 2024-2026 chhunga ZPM hruaitu thar thlang nghalin, thuanghniha president inchuhnaah vote 4479 tla in, Lalliansawta hian vote 2528 a hmu. Vice president inchuhnaah W Chhuanawma hian vote 1735 a hmu a, treasurer inchuhnaah Lalchhuanthanga hian 1489 a hmu a ni.
ZPM hi din a nih hnu ah vote hmanga party office bearers an thlan vawi khatna a ni a. Tuna president-a tling ta Lalliansawta hi party din tirh atanga president-a ruat a ni.
General assembly-ah hian chief minister Lalduhoma chuan hmun hrang hrang atangin an party inthlan hi miin an thlir a, mi thahnem takin an tawngtaipui tih an hria a, an lawm hle tih a sawi.”Inthlanah chuhtu kan awm nual a, thil kalphung pangngai a ni. Keini tan chuan hmasawnna nasa tak a ni a. Vawiina kan hruaitu thlan chhuah ang ang hi kan pawl hruai tura Pathian hriak thihah kan pawm tur a ni a, hruaitu thar kan thlan chhuahte pawhin tha taka party hruai turin kan inchah a ni,” a ti.
ZPM president-ah Lalliansawta
