ZPM Thalai-in NH-6 kawngpui siam endik

ZPM Thalai-in NH-6
kawngpui siam endik
ZPM Thalai Hqrs hruaitute chuan Ningani khan National Highway-6, Kawnpui leh Khamrang inkar kawng thawmthat a hmunah an enfiah a, NHIDCL atangin executive director Adelbert Susungy, general manager BK Shrivastava bakah helai kawng khawihtu contractor, company pahnih hotuten an lo dawngsawng.
NHIDCL hotute sawi danin, February atangin chak zawka kawngpui siam an tum a, kumin March 7-ah an hna thawh enfiah leh turin ZPM Thalai hi an sawm.
NHIDCL hotute chuan he kawngpui hi kumin July 7-a zawh vek tum a ni tih an sawi a. Hot Mix Plant an phurh luh pawh February 7-ah chuan bun fel an tum thu an sawi.
ZPM Thalai president Jeje Lalpekhlua MLA chuan, NH-6 kawngpui enkawl chu 2025 October khan Mizoram PWD chuan NHIDCL-ah hlanchhawngin, NHIDCL mawhphurhna pumhlum ni tawh mah se, Mizoram mipui ei leh bar lakluhna kawng pawimawh a nih avangin ZPM Thalai chuan an vil reng dawn a, mipuiin kawng tha kan neih theihnan NHIDCL hotute pawh a tul anga nawr chhunzawm zel an tum tih a hrilh a ni.
Helai kawng khawih mektu contractor-te pawh an hna uluk tur leh khawl leh bungraw mamawh angte a ranglama lakhawm turin a chah bawk.