ZRI Vohbik Got Talent 2023 buatsaih dawn
Zo Ri-mawi International Charity Group chuan a vawikhat nan Vohbik (Rualbanlo) te pualin, reality show ZRI Vohbik Got Talent 2023 a buatsaih dawn a, Pakhatnain lawm Rs 1,00,000 leh chawi-mawina thuziak a dawng ang a, Top 10 a lang pha ten Rs 5,000 leh chawimawina thuziak an dawng vek bawk ang. Hei bakah hian lawmman dawng tu ten an mamawh tur thildang hlan tel an tum dawn bawk niin ZRI hruaitute chuan an sawi.
ZRI Vohbik Got Talent khuhhawnna hi November ni 14, National Childrens Day hian Vanapa Hall-ah zaithiam te leh Federation of Mizoram Disable Organisation te nen neih a ni dawn a, he reality show hian December ni-2 thleng a awh ang a, Zarkawt YMA Hall-ah Grand Finale neih a ni ang.
ZRI President Lalrozama Ralte chuan, “Kan ramah intihsiakna ropui tak tak, buaisaih a ni fo tawh Thin a, nimahsela vohbik te lam kan hawi ngai lo, an harsatnate leh Pathian hnena malsawmna an dawn, talent ropui tak tak an neih te pawh kan ngaihtuah sak ngai lova, chawimawi an phunaah pawh chawimawina chang kan hre lem lo.
“Chuvangchuan heng kan unau vohbik te hi Tanpui an ngaihna laia kan Tanpui theihnan leh Pathian malsawmna Talent ropui tak an neih te hi kan hlutpui a, an theih zia kan hmuh a, midangte aia an nep bik loh zia, entawntlak an nihna laite kan hmuh theih nan leh anmahni siamtu Pathian ropui nan he ZRI Vohbik Got Tallent 2023 hi buatsaih a ni,” a ti.
ZRI Vohbik Got Talent hi audition November ni 14 thleng neih a ni dawn a, he audition-ah hian contestant ten an thiamthil (talent) an entirna video clip, minute khat a sei chu Telegram hmangin phone number 9862363382 / 9612650020 ah te thawn tur a ni a, hming, khua leh veng bakah mahni phone number leh a tel tur thlalak pakhat thawn tel bawk tur a ni.