Mizoramah zu khap a nih avangin zu hi a man theitute’n an man thin a, zu man leh a inhremna lam atangin sum hmuh a ni thin. Nikum khan excise force-in zu an man atangin cheng vaibelchhe 2 chuang an hmu.
Mizoram Excise & Narcotics (MEN) department-in 2024 khan zu atangin Rs. 237,03,744.00 an hmu.
An chhinchhiahnaa a lan danin, Foreign Liquor & Spirit atangin Rs. 186,89,504.00 an hmu a,
Fines & Confiscation atangin Rs. 49,69,240.00, Other receipt atangin Rs. 45,000.00 an hmu a ni.
2024 chhungin tualchhung zu litre 59694.420 an man a, zu bilh lai tin 108411 leh dawidim kg 188 an man bawk.
A sen chi IMFL ml 750 dawng chi um 13578, ml 375 dawng chi um 6101, ml 180 dawng chi um 11605 an man a, beer ml 650 dawng chi um 298, ml 500 dawng chi can 21902 an man bawk.
Foreign zu pawh um 785 an man a, foreign beer um 11 an man bawk. Wine an man hnem a, fruit wine litre 55181.300 leh foreign wine um 15 an man.
Zu atanga sum hmuh hi kum hmasa aiin a tlem; 2023 khan Rs 262,40,546.00 an hmu a, 2024-a an hmuhin Rs 25,36,802-in a tam. Tualchhung zu pawh 2023-ah an man tam zawk a, litre 81221.885 an man.
Zu atangin cheng vaibelchhe 2 chuang
