Zu in mi te tan strawberry a tha
Zu in mi te tana chanchin lawmawm hi MLTP Act hmanna ramah pawh tarlan a tul tho mai. Zu in paha strawberry ei hian zu-in kan pum a tichhe tur a veng thei niin mithiam ten an sawi.
Italy, Spain leh Serbia-a mithiam ten zirchianna neiin strawberry hian zu in kawchhung, a bik takin pumpui a tichhe tur a veng nasa hle tih an hmuchhuak niin an insawi.
University of Barcelona-a mithiam Sara Tulipani chuan, “Starwberry hi antioxidant a nih mai bakah kan taksaa antioxidant defence leh enzymes awm te a tichakin a tinung tha a ni,” a ti.
He zirchianna atanga a landan chuan strawberry hi pum lam chiang lo (gastric illness) tan a tha hle a, kan taksaa free radicals (free radicals chu atom, unpaird electrons pakhat emaw a aia tam emaw nei a ni a, min ti upatu, lung (heart) natna thlentu leh cancer thenkhat siamtu niin an ngai) a titlem niin an sawi a, pum ulcer insiam tur a dang theiin a tikhawmuang thei niin an sawi bawk.
Zu in vangin gastritis/ inflammation a awm thei a, nonsterodial anti-inflammatory medication (aspirin ang chi te) vangin a awm thei bawk a. Chutiang vanga gastritis-ah chuan strawberry hian stomach mucous membrane chhe tur a veng nasa hle niin Maurizio Battino, Marche Polytechnic University-a mi chuan a sawi ve nawk.
Zirchianna neitu te chuan sazu-a an enchhinnah, ni regular taka strawberry an ei tir chu zu an in tir hnuah pawh pum ulcer an nei lo bik niin an sawi.
He zirchianna chungchang hi journal Public Library of Scienc One-ah tarlan a ni.
Zu in mi te tan strawberry a \ha
![](https://theaizawlpost.org/wp-content/uploads/tap_logo-min-large.jpg)