Zu supply tihhniam a ngai – CM
Mizoramah zu hralh a awlsam zia an hriatin a supply tihhniam a pawimawi tih chief minister Lalduhoma chuan a sawi.
Nilainia Khawzawla ruihhlo do dan tur rela sawrkar hotute, tlawmngai pawl leh kohhran hruaitute an thutkhawm puinaah chief minister hian zu supply tihhniam a pawimawh nia sawiin, hemi kawngah hian khawtlang leh district hotute puih a inhuam reng tih a sawi. Zu hralh a awlsam zia a hriat thu leh Mizoramah zu a hluar em em chu pawi a tih thu sawiin, do dan tur hrang hrang nasa takin sawrkarin a ngaihtuah mek tih a sawi.
Thutkhawm kaihruaitu Excise & Narcotics minister Lalnghinglova Hmar chuan Khawzawl district-a zu leh ruihhlo dona kawnga sawrkar leh khawtlang dinhmun, hmachhawp, harsatna leh rawtna an ngaihthlak duh tih a sawi a. Khawzawl bawrhsap K Vanlalthiana chuan ruihhlo do chungchanga an district dinhmun leh tanpuina an mamawh dan a sawi.
Chief minister leh Excise & Narcotics minister hian sawrkar department hotute, YMA leh kohhran hruaitute, VC member, MUP hruaitute, ngawlvei enkawlna home-a thawkte thu an ngaithla a; an mamawh, rawtna leh vuina an ngaithla a ni.
Zu supply tihhniam a ngai – CM
