An camp-ah Kuki hel 150 vel awm lo, sorkar laipui hriattir

An camp-ah Kuki hel 150 vel awm lo, sorkar laipui hriattir
Manipur-a venhim hna thawktu pawlte chuan Kangpokpi district-a inremna hnuaia an awmna tur hmun bik, camp atangin Kuki hel 150 vel an chin hriat lohvin an awm mek tih sawiin sorkar laipuiah pawh an thlen nghal tih an sawi.
Kar kal ta tir lama Meitei pathum thah hnua an dapnaah sorkar laipui, Manipur sorkar leh Kuki hel pawl hrang hrang inkara inremna siam, Suspension of Operations (SoO) bawhchhiatna a awm ni ngeiin an hria a. Camp an dapnaah hian sorkarin a chhinchhiah loh mi 17 an man.
Saimol khua, Mt Sinai camp hi Central Reserve Police Force-a Commando Battalion for Resolute Action (CoBRA) unit, Manipur Police leh venhim hna thawktu dangten luhchilhin darkar 90 vel chhung an hai a, Zirtawpni khan an zo fel tih thuneituten an sawi.
Camp atanga an man mi 17-te hi sorkarin a chhinchhiah lohte an ni a. An zinga pariat hian Kuki National Organisation (KNO) leh an sipai pawl, Kuki National Army (KNA)-a tel niin an inchhal a, pakua dang chuan KNO leh Kuki Liberation Army (KLA)-a tel niin an inchhal bawk a. “An nihna hriat chian tum mek a ni a, Myanmar atanga lut an ni em tih pawh hriat tum a ni,” tiin officer-in a sawi.
“Sorkar laipui hnenah pawh thlen a ni a, Commissioner (Home) leh governor pisa pawh hrialh a ni a. Mi 17 mante hi Myanmar atanga ram ang mi lo lut an ni em tih hriat tumin police-in an bei mek,” a ti.
Camp dapnaah hian AK-series rifle 13, G3 rifle pathum, M16 rifle pahnih, M15 rifle leh self-loading rifle pakhat ve ve leh lathode pahnih an hai chhuak a. 7.62×39 mm mi 1,061, 5.56 mm INSAS mi 2,350, 7.62×51 mm mu 223, magazine 34, wireless set 19 leh thil dang an hai chhuak bawk.
Camp hi October 19-a Imphal East-Kangpokpi inrina bawra Meitei thing fawm lambunaah pathum thahna thlen tuk atangin dap a ni a. Venhim hna thawktute hian SoO ziahnaa tel pawl mi leh sate chu darkar 48 chhunga an awmna tura tih camp-a awm hman vek turin an ti a, hei hi Zirtawpni zan khan a tawp.
Thuneitute chuan SoO hnuaiah hian camp-ah hian helhovin ralthuam dahin kalh hnan a ni a, chabi pahnih awmin pakhat sorkarin kawlin pakhat hel pawlin an kawl a. Mipa 17-te hi Inrinnia man an ni a, ralthuam engmah an keng lo.
Sorkar laipui chuan SoO inremna hi September 4-a a tawp hnuah a pawt sei lo niin Manipur Home Minister Govindas Konthoujam-a chuan a sawi a. August 22, 2008-a ziah inremnaah hian KNO leh United People’s Front (UPF) peng pawl 25 a huam a, an awmna tura tih camp 14-a awm vek tura tih an ni a, sorkarin endik reng tura tih a ni bawk.
Inremna hnuaiah hian helho hian an camp an chhuahsan thei lo va, venhim hna thawktu leh civil mi an bei thei lo va, tual chhung mite tihbuai phal a ni lo va. Sorkarin stipend a pe ve thung.