Daily Newspaper

An muala chak zo lo Bayern

12

Si phur hmasa chung-in champion lai Bayern Munich chuan Inrinni Bundesliga inkhel pa-khatah 3-3-in an mikhual RB Leipzig an inhneh-tawkpui thei hram a, ti hian, an game hnuhnung paliah goal an chhuah hmasa fai vek a, vawihnih chakin, draw vawihnih bawk an nei.

Goal ruk luhna in-khelah Christopher Nkun-ku chuan minute 20 khelh tlin hma chiahin Leipzig hmahruaina goal Emil Forsberg siamsak atangin a thun a, darkar chanve an khel thleng tihah English rawlthar kum 17 mi Jamal Musiala chuan Kingsley Coman thawh-rah atangin mualneitu team siphurh a sut a; a hnu lawkah Thomas Muller chuan mualneitu team hmahruai letna goal a tilut ve ta thung a, hei pawh hi Kluivert-a siamsak leh bawk a ni.

RB Leipzig-in si an phur rei duh lo a, Justin Kluivert chuan midfiel-der Amadou Haidara thawhrah atangin Leip-zig tan a khung a, goal hnih ve ve thunin chawlhlawk an hmang.
Second half tan atanga rei vak loah Emil Forsberg chuan mikhual hmahruai nawnna goal a tilut ve leh a, tunhnai chhoa chak mar nghet thei lo Bayern an talbuai leh dawn niin a lang hman a, minute 75-ah captain Muller chuan Munich siphurh sutna goal leh he match-a a goal hnih tihluhna goal a khung leh hlauh a, hei pawh hi Kingsley Coman-a siam-sak leh bawk niin, an goal thum neih hi a siam-chhuah vek a ni a, zankhat thilthuah assist hat-trick a siam!

Hansi Flick-a team Bayern hian an kawt-kaiah point thum thawk-chhuak zo lo mah se khelh 10-ah point 23 hmuin Bundesliga table-ah hma an la hruai chhunzawm zel a; Julian Nagelsmann-a team Leipzig pawhin pahnihna dinhmun an la hum a, point hnih bawkin hma-hruaitu team nen an inthlau chhunzawwm.

Defending champion Bayern hian 2020-21 Bundesliga campaign kal laiah match 10 an khelh tawh atangin goal 34 an kawl tling tawh a, table-ah hma la hriai bawk mah se siphur hmasa chunga erlet thei chang chang an nih avangin an tlarhnung lam hi enfiah deuh chu a ngai niin a lang.

RB Leipzig hi tun Inrinni hmaa Allianz Arena an luh hnuhnung vawilia goal khung zo miah lo kha an ni a, tuntum chu goal thum ngawt an puitlin a, Thawhlehni zan Cham-pions League-a Man-chester United an mikhual tur atan pawh inrintawkna an neilian deuhin a rinawm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy