Congress party president Lal Thanzara chuan Mizoram sorkar leh sorkarna siamtu ZPM chu an sawi anga awm lovah a puh.
“ZPM hi an kal dan tur an sawi ang zawm chuang lo sawrkar leh party an ni hi mipuiten an rinna a tlahniam sawt hle a ni,” a ti.
Zirtawpni khan Congress Bhavan-a political session-ah an party president hian thu a sawi a, an party zawm thartu a lawmlut bawk.
“vai party” zawng zawngah Congress party a \ha ber niin a sawi a, “Tukin chanchinbuah khan ZPM mawng kha kan \halai te’n an hlim sang deuh nge ni, ZPM \halai khan, ‘Vai party zia dik tak a rawn lang chho \an e’ tiin kan \halaite kha an dem thu an sawi a, Pu Lal Thanhawla’n a lo sawi tawh thin angin Vai party zawng zawngah vai party \ha ber Congress kan ni hi kan inchhuang,” a ti.
“Vawiin ni-ah hian ZPM te’n a ruka an zawm, an sawrkar theihna chhan hi mipui te’n hria se chuan an \awng\aisak nasa ngawtin ka ring. Vawiina puanhnuaia ZPM te’n an zawm party ai chuan langsar taka kan zawm Congress party hi India ram tan leh Mizoram tan hian an \ha thlawt a ni,” tiin ZPM chu a ruka party zawm neiah a puh.
“Kar hmasaa MNF te te nena kan thawkho tawh dawn lo tia ka sawi chu ZPM te’n lo la vawngin Lai Autonomous District Council-ah pawh kan thawkho tawh dawn lo niin an sawi a, ka sawi zawk chu Sinlung Hills Development Council inthlanah kan thawkho dawn lo tih ka sawina a ni. Mizo takin Lai Autonomous District Council-ah chuan tluang takin kan thawkho zel dawn a ni,” tiin LADC lama MNF nena an thawhhona chungchang a sawi.
USA-a CM a zin chungchang a sawi a, “Kan hriat angin kan CM zahawm tak chu khawvela ram ropui ber USA-ah a kal a. White House a\ang te’n chawimawina a dawng ni awmin a lang a. Lengpui Airport a rawn \um hunah chuan an va hmuak ropui dawn em Zonu an tih te khan kan ti a. Mahse ‘kan Chief Minister hi a rawn thleng tawh em?’ ti te’n kan inzawt he hu hlawm mai a, a mak ang reng hlein ka hria. A zin chhungin thu tam tak a zu sawi a, hei chu sawi loh atan a \ha mange tih te a zu sawi leh nual bawk a,” a ti.
An sawi anga awm lovah sorkar leh ZPM puh
