Daily Newspaper

Andreescu inhnukdawk ve leh

13

2019 US Open champion Bianca Andreescu chuan kum-thar lama tournament hma-chhawn tur inhnawhtawng kara harsatna tawk lo turin tuna a hliam neih chu dimdawi a thlang a, French Open lama inlan lo turin thutlukna a siam fel.

Kum 20 mi Canadian hian main draw a thlen vawikhatnaah nikum khan New York khawpuiah grand slam title a hlawhchhuak nawlh a, a phur chho dawn chauh a, nikum October thla WTA Finals-ah a khup tinain, khami hnu khan tun thleng hian a la chawl ta vang vang a, kumin bika grand slam tournament pathum pawh a khel lo tluan dawn ta a ni.

World number seven hian Paris a pan loh tur thu sawi chungin tun season kal laia a chawlh hlen tur thu a nemnghet a, thutlukna siam harsa tak a nih thu sawi chungin kumthar lama hmachhawp a tam thu leh Olympics pawh a thlir tel avangin kumin hi damchianna hun atan leh training-na hun atana hman a thlan tak zawk thu a sawi.

Tarlan tak angin, nikum Flushing Meadows-a a grand slam title hmasaber a hlawh-chhuah hnu khan khup hliam avangin kumin Australian Open a khel thei lo a, Wimbledon an thulh a, tunthla US Open pawh a khel thei ta chuang lo.

French Open atana qualifying chu Paris khawpuia Roland Garros-ah an khel chho tawh a, September ni 27 atang hian men’s and women’s main draw an tan zui leh dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy