Andrew & Lesky ‘Sulhnu’ music video thar
Gospel singer Andrew Laltlankima leh rapper Lesky Hype te chuan ‘Sulhnu’ music video chu Nilaini zan khan YouTube-ah an dah chhuak ta. He hla hi Kristian movie ‘NOZOMI’ soundtrack a ni a, a movie pawh hi November ni 13-ah an tlangzarh dawn e.
‘Sulhnu’ hla hi Andrew leh Lesky te phuah dun niin, a music i Anggu Pachuau kutchhuak a ni a, audio mixing Ben Opa khawih niin, a video hi Sailo Freddie siam a ni a, music video hi Andrew-a YouTube channel-ah upload a ni.
Kristian romantic drama ‘NOZOMI’ movie hi LifeWay Production buatsaih niin, he film-ah hian Adrew leh Lesky te hi chang nghalin, ‘Beautiful Day’ (Mizo version) larpuitu, Champhai nula Laldinsangi leh Sawma Chawngthu te pawh an inlan a, Zochhingpuia direct a ni. A film hi November ni 13 zanah, Vanapa Hall-ah tlangzarh a ni ang.
‘NOZOMI’ hi nun beidawnna kara beiseina tarlanna film niin, a film title ‘NOZOMI’ tih pawh hi ‘Beiseina’ tihna a ni a. A film-ah hian mi pakhat, beidawn leh a nuna lungawi lo, mahni indemna a khatin a nuna harsatna, hlimna, hmangaihna leh lungngaihna a tawh dan vel tarlan a ni.
Andrew & Lesky ‘Sulhnu’ music video thar
