Daily Newspaper

Ant ten stock market luhchilh, IPO lian ber ni theiah ngai

31

Chinese financial technology group Ant chuan stockmarket luhchilh ve ta in $ 30 billion hu siam thei nghal tura ngaih a ni.

He company hi online retail giant Alibaba a inziaklut niin Hong Kong leh Shanghai-ah share an hralh tan nghal tur thu an sawi bawk.

Trump administration in Chinese firms te laka hremna a kalpui mek lai leh boruak sosan laiin Ant te hian chet an la a.

Khawthlang lam ram ten Ant chu an la hre mang lo a ni mai thei a, China ram chhungah erawh lar ber niin mobile payment powerhouse Alipay tia hriat lar a ni.

Ant Group?
Hangzhou khawpuia inbun Ant hi kum 2003 khan e-commerce giant Alibaba dintu Jack Ma din a ni a.

He mi hnu atang hian Alipay chu China a mobile payment business lian ber a ni zui nhal a.

Mobile payment bakah hian thla tin mi maktaduai 700 leh sumdawng maktaduai 80 vel te chuan an service chu bill pek nan, insurance pek nan leh mutual fund invest nana an hman a ni.

Hetihlai hian Alibaba, Ant a 33% share neitute chuan an service chu Alipay app ah an tilian tial tial bawk.

David Dai, senior analyst, asset managers Bernstein, Hong Kong chuan eng vanga China digital payment industry-a Ant chu lian em em nge a nih sawiin, “Tencent nen Ant te hian kum tin 200 trillion RMB (£22.5tn; $28.8tn) vel payment leh transfer an veivir a, chu chu Visa leh mastercard belhkhawm ai pawhin a tam zawk,” tiin a sawi.

Mahse, Ant company online profile ah chuan, a len leh tet lam a ni lo, daih rei a ni zawk tia sawiin, “Lian emaw thiltihtheihna emaw kan um lo, company tha tak kum 102 daih thei tur nih kan tum zawk,” tiin an sawi.

Share hralh len lam tur?
Ant-in puanchhuahna an neihnaah an company hlutna emaw stock market ah engzah nge neih an tum an sawi lo nachungin analysts te chuan $ 300 billion hu ni pha nghal turah an ngai a. Chutiang a nih chuan America-a bank lian ber ber te ai pawhin a hlutna a sang zawk dawn a ni.

“Ant te hian $ 250 billion atanga $300 billion market capitalisation an neih theih ka ring a. Chu chu Citigroup te $ 100 billion vel nei lakah chuan lian tak a ni. Khawvela financial Institution lian ber chu China-ah a awm ta,” tiin Shaun Rein, China Market Research Group chuan a sawi.

Ant te hian stake 10% leh 15% tlukpui vel hralh an tum a, chutiang a nih chuan history a Initial Public Offering (IPO) lian ber a ni thei dawn a ni.

“Ant te hian $ 30 billiion vel neih tumin chutiang anih chuan khawvela IPO lian ber ni dawnin Saudi Arabia Aramco nikuma public a inleta $ 29 billion hu chu a khum thei ang,” tiin Rein chuan a sawi.

Eng vangin nge IPO location a pawimawh?
Ant Group te hian market debut hi Shanghai Stock Exchange’s Star Board ah neih an tum a, hei hi America-a Nasdaq leh Hong Kong Stock Exchange tlukpui te an ni.

Eng vangin nge heng stock exchange te hi Ant ten an thlan chhan sawi a ni lo va, US emaw European financial centre lian a thlang lo chu chhinchhiah tlak a tling.

Chutah Beijing leh Washington chu thil hrang hrang avanga an inkungkaihna chhiat vanglai ni bawk in, heng zingah hian China-in corona virus pandemic a kalpui dan te bakah Hong Kong security law te leh sumdawnna inhmuhthiam loh te a tel.

Trump administration chuan tun hnaiah Chinese technology company te thlurbing bikin video sharing app TikTok leh messaging platform WeChat te pawh a khap tawh bawk a.

Bao Vu, investment director, RE Lee Capital chuan Ant tena Shanghai an thlan chhan chu Hong Kong chu China financial service industry chakna tho a nih vang nia sawiin, “A hmun pawimawhna em em chu China in US exchange el pha neih a duhna a ni,” a ti.

“Listing hi a hlawhtling a nih chuan technology firm dang ten US pawna list an neih duhin duhthlan tur a pe dawn tawh a ni,” tiin a sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy