Nu huaisen leh tuarchhel, Lisa Farthofer, kum 31, chuan January ni 11-17 khan Antartica-ah lawnglengin a inkar a, tuipui mel 407 (km 753.7) a thui a inkar a, record a siam. He expedition-ah hian professional sailor leh rower Fiann Paul (Iceland), Mike Matson (USA), Jamie Douglas-Hamilton (UK), Stefan Ivanov (Bulgaria) leh Brian Krauskopf (USA) te nen an inkar ho a, ani he expedition-a hmeichhe tel awm chhun a ni.
He expedition team hian km 1,500 a thui, Antartica Peninsula atanga Elephant Island paltlanga South Georgia inkar kai an tum a, hetiang 1915 khan Ernest Shackleton leh a crew ten an lo puiltin tawh a, an hnung zui an tum a ni. Mahse, vanduaithlak takin an team zingah inhial an awm palh tak avangin Lisa leh a thian te hian an mission an puitlin thei ta lo va, kawng chanve vel atangin an kirsan leh ta a ni.
An tum angin awm ta lo mah se Guinness World Record an siam nual tho a, Lisa hi Southern Ocean-a lawnglenga inkar hmasa niin, Polar tuipuia hmeichhe lawnglenga inkar hmasa ber a ni bawk.
A team ang pawhin record an siam nual a, Southern Ocean-a inkar chak ber, Scotia Sea-a lawnglenga expedition nei hmasa ber, Antartic a mihring thahrui hmanga expedition nei hmasa ber, Polar-a lawnga inkar chak ber, Southern Ocean-a lawnglenga inkar thui ber, Southern Ocean-a hming tha chakna hmanga expedition nei hmasa ber leh lawng kar expedition neih dawn a bul tanna chhim kun ber record te an siam tel bawk.
Antartica-ah lawnga inkarin record siam
![](https://theaizawlpost.org/wp-content/uploads/2023/02/ant.jpg)