Antartica-ah Penguine note te an thi nasa hle tih finfiah niin 10,000 chuang an thi tiin mithiam zirchiang tute chuan an sawi a.
Tuipuia harsatna awm lova tui an hleuh theih nana an hmul tui huh tlang thei loa insiam fel tak tak hmaa tui hnuaia vurtlang tuiral leh kehchhiate avanga thi an nia sawi a ni.
Heng sava te hi tui hakin emaw vawt lutuk avang thi an ni ngeia ngaih a ni a. Heng Penguin te thihna thlen nasatna ber chu Bellingshausen Sea-ah a nih thu tarlan a ni bawk a.
Tun ang renga thil a kal a nih chuan enperor penguin colony 90% vel te chu tun kum zabi hian a mang vek tawh ang tiin an sawi bawk a, a chhan ber chu khawvel lum zelah sea-ice te tuiral zel vang a ni.
“Emperor penguin te hi an breeding cycle sea-ice a inghat bur an ni a, an note te enkawl seilen nan bera an hman a ni a. Mahse vurtlang chu a len loh chuan a kehchhe zung zung mai si a, chutak chu heng sava te tan chhiatna thlentu a ni” tiin Dr Peter Fretwell, British Antarctic Survey (BAS) chuan a sawi.
“Beiseina erawh kan nei a, carbon emission global warming thlentu kan tihniam thei. Mahse, kan ti lo a nih chuan heng sava mawi tak tak te hi an mang mai dawn,” tiin a sawi bawk.
Dr Fretwell leh a thawhpuite chu heng Penguin te harsatna tawh sawi chhuaktute niin jounral Communications Earth & Environment ah an thil hmuh leh hriatte tihchhuah a ni a.
Scientists te chuan Bellingshausen Sea sector a colony panga te- Rothschild Island, Verdi Inlet, Smyley Island, Bryan Peninsula leh Pfrogner Point te chu an chhui chiang zual bik a ni.
Penguin puitlingte chuan March thla velah Southern hemisphere a thlasik intan dawnin sea-ice an chuahsan a. Penguin nupate chu inkawpin an tui zuia an note keu te chu enkawl zuiin an note te an puitlin hun nghakin an enkawl a ni.
Chungte chu December/January vela thil thleng thin a ni a, chung hunah chuan Penguin sava note te chu tuipuiah an teichhuak ve thei ta a ni. Mahse, scientists te chuan chung sava note te chuan tui hleuh thei tura an hmul puitling an neih hmain an awmna vur tlang te chu a kehchhe ta thin tiin an sawi bawk.
Antartica Penguin ten harsatna tawk
