Apex Bank-in scheme thar duang
Mizoram Cooperative Apex Bank (MCAB) Ltd. chuan special deposit scheme thar, ‘Sekibuhchhuak’ tia vuah a kalpui dawn a. He deposit scheme thar hi kum khata zaa 7.5 a pung niin, kum upa tana zaa 8-a punga siamsak a ni.
He scheme thar hi Thawhlehnia MCAB Ltd. Board of Directors thukhawm chuan a pawm a. MCAB Ltd. branch 30-na turin November thla tawp hian Siaha-ah New Colony Branch hawn an rel a ni.
Thawktu indaihlohna avanga hna lak thar exam tura kal mekah assistant grade (clerk) 18 lak tura tih chu 27-a tihsan niin, junior management grade 2 lak tura tih chu 3-a tihsan a ni bawk. Kumin December 14-a exam tur niin, recruitment exam hi Indian Institute of Banking Management Guwahati-in an buatsaih thin a ni.
Tunah Apex Bank hian deposit cheng vaibelchhia 1539.2 a dawn atangin loan cheng vaibelchhia 1206.1 a pe chhuak a. Deposit dawn atanga loan pekchhuah tehfung (CD ratio) hi zaa 78.8 a tling a ni.
Apex Bank-in scheme thar duang
