Mizoram Co-operative Apex Bank (MCAB) Kolasib, Khawzawl leh Lunglei Branch chu Krismas pualin an luangchhuak.
MCAB Kolasib Branch hian Kolasib khawpui chhunga home hrang hranga awmte tan anmahni hmunah theuh kalchilhin Krismas pual thilpek an hlan a. TNT Khuangpuilamah buhfai bag 6 leh alu kg 50, ASC Home Khuangpuilamah Rs. 10000 leh chithlum mum (sweet) thahnem tak, Enna In Boys Home Vengthar Kolasib-ah Rs. 10000 leh chithlum mum (sweet) thahnem tak.
MCAB Khawzawl Branch pawhin Khawzawl khawpui chhunga raltlan chhungkaw 9 sem turin YMA Branch pathum – Khawzawl Electric Veng Branch, Khawzawl Vengthar Branch leh Khawzawl Dinthar Veng Branch hnenah sumfai Rs. 30000 an hlan.
MCAB Lunglei Branch chuan Bethel Centre leh TNT Lunglei tanpuina an hlan a ni.
Mizorama MCAB Branch zawng zawngten Rs. 30000 theuhin a mamawhte hnenah Krismas thilpek an hlan a. MCAB Head office Aizawl chuan cheng nuai khat chuang hu Krismas thilpek a sem a ni.
Apex Bank luangchhuak
