Daily Newspaper

Apex Court-in loan moratorium ngaihtuah mek

31

Sorkar chuan Supreme Court hnenah ‘loan moratorium’ tawp mai tur chungchangah thil harsa khirh tak tak chingfel tura ngaihtuahna a sen mek thu a sawi.

Loan moratorium hi pandemic lockdown lai khan kalpui a ni.

Justice Ashok Bhushan bench hmaah Bench Solicitor General Tushar Mehta chuan, “Sorkarin ngun takin a ngaihtuah mek a, thutlukna siam a nih hnuah affidavit nen kalpui a ni ang,” tiin a sawi.

Mehta chuan October 1 ah chuan sorkarin ruahmanna a neih te chu affidavit hmanga peihfel vek hman an tum thu a sawi a. Court chuan October 5-ah ngaihtuah turin a ti ta a ni.

September 10 a hearing neihnaah court hnenah sorkar chuan Reserve Bank of India leh bank dang te nen sector-specific loan re-structuring leh moratorium hun laia loan interest chungchang te ngaihtuah hona hun kar hnih pe turin a lo ngen tawh a ni.

Mehta chuan sorkara ‘highest level’ ah ngun taka ngaihtuah ho mek reng a nih thu a sawi bawk.

Mimal sum puktu leh commerce leh industry sector hrang hrang te, sumdawng, power leh real estate te chuan court hnenah August 31 a tawp tawh loan moratorium chu pawhsei turin interim order siam turin an ngen a ni.

Sumdawngte chuan loan restructuring chuan a puih dawn loh thu sawiin banks te chuan interest a laksak leh tan tawh thu an sawi a. An credit rating leh asset value a tlakhniam zel thu an sawi a, hei hian account holder te confidence nasa takina tihhniam thu an sawi bawk. A khawih nat ber te chu mimala sum puk te niin moratorium hun laia interest pung te chu an pek leh vek a ngai dawn tia an hrilh vang a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy