Daily Newspaper

Apple Music-a stream nasat ber BTS


K-pop superstar BTS hla hit ‘Dynamite’ chu 2021-a Apple Music a hla stream nasat ber a ni. He hla hi Apple Music Top 100 Streamed Songs chart-ah No.1 a ni a, Apple Music hian an 3rd annual Apple Music Awards-ah award an hlan nghe nghe a ni.

‘Dynamite’ hi August 2020-a an tlangzarh kha niin, Billboard Hot 100 (singles) chart-ah pawh No.1 a kai a, BTS hla he chart-a No.1 kai thei hmasa ber a ni a, Billboard Digital Songs Sales Chart a No.1 ni rei thei ber niin, Billboard Global 200 chart-ah pawh a No.1 nghe nghe a ni. Thla kalta mai khan ‘Dynamite’ hian RIAA triple-platinum a kai a, BTS hlaah chuan hetiang status kai thei hmasa ber a ni bawk.

Apple Music hian khawvel huapa an streaming site-a hla stream nasat zual te hi October ni 16, 2020 leh October ni 15, 2021 inkara mi te an thlang chhuak a, he thla 12 chhunga an stream nasat ber chu ‘Dynamite’ hi a ni a, hetihrual hian subscriber ten an zawn nasat zingah Masked Wolf hit ‘Astronaut In The Ocean’ a tel a (‘Astronaut In The Ocean’ hi Australian rapper tan a lar chhuahna niin, Shazamed Song of the Year a ni nghe nghe), lyrics zawn nasat ber chu Olivia Rodrigo ‘drivers license’ a ni ve thung.

Apple Music chuan The Weeknd chu global artist of the year-ah an puang a, he Canadian R&B artist hian 2020-a a album tlangzarh ;After Hours’ chu pre-adds maktaduai 1 a pel thei a, he platform-ah hian mipa zaithiam album-ah chuan a sang ber a la ni a, he album-a a hla hit ‘Blinding Lights’ pawh Apple Music Daily Top 100: Global chart-ah No.1 a kai thei bawk a ni.

Olivia Rodrigo hla hit ‘drivers license’ chu hla sak pui takm ber niin, Apple Music Top 100 Most-Read Lyrics-ah No.1 a ni a, Apple Music hian Olivia hi artist of the year, album of the year leh song of the year an hlan bawk

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy