Daily Newspaper

AR hotuin larsap kawm

8

Mizorama Assam Rifles inkulhna hmun hrang hrang tlawha lo zin Assam Rifles (East) inspector general Major General Ranjit Singh chuan Inrinni khan Raj Bhavan-ah larsap PS Sreedharan Pillai a kawm.

Larsap chuan Mizoram mipui, a bikin thingtlang lamah khawtualmite hmasawnna atan Assam Rifles-in hna tha tak a thawk tih a hriat thu leh lawmawm a tih thu Assam Rifles IG hi a hrilh a. Assam Rifles chu ‘Tlangmite |hian’ an nih anga hna tha thawk chhunzawm turin a sawm a ni.

Assam Rifles-ten an awmna hmunah a theih angin khawtualmite tan theihtawp an chhuah thu leh ram venhim hna pawh tha taka an thawh thu Major General Ranjit Singh hian larsap hi a hrilh ve bawk a. An hnathawhte larsap-in a hriatpui avangin lawmawm a tih thu a sawi. Kawng tha zawk leh inbiakpawhna tha zawkte Mizoram hmun kilkhawrah siam a ngai nia a hriat thu a sawi a. Thingtlangmite eizawnna – lo neih leh huan siam kawnga thil tul nia a hmuhte pawh larsap hi a sawipui. Heng bakah hian ram venhimna chungchang leh thil pawimawh dangte an sawi dun a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy