Daily Newspaper

Ar vulh tura thlante KVK Kolasib-in enkawlpui dawn

35

Krishi Vigyan Kendra, Kolasib district hnuaia ar vulhtute dawmkanna leh arsa leh artuia intodelhna atana duan, ‘Improving Livelihood and Nutritional Security through Backyard Poultry Production’ project hawn a ni a, Kolasib district bawrhsap Dr H Lalthlangliana’n a hmanpui.

Ar vulh hmanga mi harsa zawkte dawmkanna atana duan project hi Kolasib district-a ar vulhtute dinhmun chawikan a nih theih nana eizawnna ngelnghet siam nan leh arsa, artui leh ar notea mipui kan intodelh theihna tura duan a ni a. Project kalpuina sum hi ICAR-Vivekananda Parvatiya Krishi Anusandhan Sansthan, Almora Uttarakhand atangin cheng nuai 6 hmuh a ni. He project kalpui tur hian zone 7 hnuaia KVK 43 zingah 5 thlan a ni a, Mizorama kalpui turin KVK Kolasib hi thlan an ni. Kolasib, Lungmuat, Thingdawl, Kawnpui leh Buhchangphai atangin ar vulh hlawhtling thei tura ngaih mi 10 theuh thlanchhuah an ni a. An ni hnenah hian ar note 50, ar note chaw kar thum daih bakah khaw pakhat tana inhmantawm tur artui tihkeuna khawl leh inverter pek tel an ni. Heng ar note hi KVK-a thawktuten thlatin an vilpui reng dawn a, a tul angin vaccine leh damdawi pawh an pe dawn a ni.

Ar sem chhuahte hi Rainbow Rooster an ni a, ‘Rainbow Rooster vulh leh enkawl dan’ thuziak buatsaih pawh tlangzarh nghalin ar vulh kawnga inzirtirna neih zui a ni bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy