Australian bishop Christopher Saunders chu pawngsual bakah mipat hmeichhiatna lam hman khawloh a \hen te phei chu naupang te a kalpuiah puh niin thubuai siamsak a ni a.
Kum 74-a upa bishop chu Nilaini khan man a ni tawh bawk a. Western Australian police leh Pope te chuan a hranpa ve ve in a chetdan an lo chhui tawh a ni.
Saunders chuan amah puhnaah engmah thiamloh a nei lo tiin a sawi a, heti lam kaihhnawiha Catholic puithiam thubuai nei zinga senior ber a ni.
Saunders hi pawngsual thubuai pahnih, mawi lo leh dan kalha \um 14 che leh naupang laka mawi lo taka \um thum khawsa tia puh a ni a.
Heng a thubuai te hi Western Australian a Broome, Kununurra leh Kalumburu a Aboriginal community te laka kum 2008 a\anga 2014 inkar chhunga thleng a ni.
Ninga khan bail a chhuah niin June thlaa a thubuai ngaihtuah a nih leh hma chuan hmun danga kal lo tura tih a nih thu Australian broadcasting Corporation chuan a tarlang.
Australian Catholic Bishops Conference te chuan thuchhuah siamin police te an thawhhopui tur thu sawiin Saunders puhna chu pawi takzet an tihthu an sawi a.
“He tiang thil hi chu dik leh fel taka chhuichian ngei ngei tur a ni” tiin Perth Archbishop Timothy Costelloe chuan a sawi.
Kum 1976 han ordained niin Saunders hian a puithiam hna thawh chhung hun tam ber chu Kimberly region ah a hmang a, kum 1996 khan Bishop of Broome a ni \an bawk.
He diocese hi 770,000 sq km laia zau niin Turkey ram tia zet niin Australia a hmun kilkhawr ber ber lai te awmna a ni bawk.
Mi kawm thiam, hnathawh uar leh \halai te camping pui leh sangha manpui te a hrat avangin Saunders chu local community ah ngainat hlawh leh lar tak a ni a. A hming chawiin beer pawh a awm nghe nghe.
Amah puhna hmasa ber chu kum 2020 khan sawilan niin police ten an chhuichian hnuah a case chu khar zui a ni a. Kum 2020 khan Bishop of Broome a\anga inhnukdawkin mahse emeritus bishop a la ni reng tho a.
Mahse Pope on chhuichian tur a tih leh tak hnuah police te chuan investigation an \an veleh zui a ni. Catholic hnuaiah Vos Estis Lux Mundi inquiry khawvel pumah tlemte chauh kalpui a ni a.
Vos Estis Lux Mundi hi Latin \awng niin “You Are the Light of the World” tihna a ni a. Vos Estis investigation hi Pope Francis an Roman catholic kohhran chhunga bishop leh high-ranking official te sexual abuse a puhna bik chhuichianga hmala bik tura kum 2019 a din kha a ni.
Archbishop chhuichiang mek zel
