Record vawn ngaipawimawhtu kalkhawm chuan Mizo mipui leh Mizoramin record vawnthat leh hman tangkai lamah hma a sawn theihna turin hemi kawnga chak taka hma latu tur Mizoram Archives Association an din a. Pawl inkaihhruaina tur dan an siam nghal.
He hunah hian Mizoram State Archives mi leh sa, institution hrang hrang – Mizoram University, ICFAI University Mizoram, Govt. Hrangbana College, Govt. Aizawl North College, Govt. Aizawl West College bakah kohhran – Salvation Army, Roman Catholic leh United Pentecostal Church NEI record enkawltute leh record vawnthat ngaipawimawhtu mithenkhatte an tel a. Pawl hruaitu lailawk tur an ruat nghal a ni.
Archives Association din thar
