Daily Newspaper

Armed Forces Flag Day puala thilpek petute chungah lawm

9

District Sainik Welfare & Resettlement, Aizawl District Office chuan Armed Forces Flag Day 2020 puala ram venghimtu sipaite leh an chhungte chawmna atana thilpek petu zawng zawng chungah lawmthu sawina thuchah a siam.

December 7 hi India ram pumah Armed Forces Flag Day atan hman thin a ni a, he ni hi ram venghimtu sipaite indona leh ram tana nunna hlan ta te puala hman thin a ni. Hemi ni hian sipai huaisen ram tana nun hlantute nupui fanau/ chhungte tante, sipai ramtuileilo chhawmdawlna atan thawhlawm khawn thin a ni. Kumin hian hrileng vangin kum dang angin thawhlawm (donation) khawn theih a ni loa, mi inphalte tan chuan a pek theih reng tih a sawi.

Armed Forces Flag Day pualin mipuiten sipaite inpekna hre thar lehin, mahni phal angte vehburah thlak thin a ni, tiin, Mizoram larsap Pu PS Sreedharan Pillai pawhin he ni hi ngaipawimawhin sum tam tham tak District Sainik Welfare & Resettlement Officer hnenah a hlan thu te; a ni bakah minister-te leh MLA-te, sawrkar hotu liante pawhin vehburah hian puihna an hlan thu a sawi bawk.

Aizawl district huamchhunga Armed Forces Flag Day hman ni hian Indopui II-naa Mizo sipai huaisen leh pasaltha la dam mi 28 an la awm tih sawiin, kum 90 chunglam vek niin kum 100 thlingte pawh an awm tih a sawi a. District Sainik Welfare & Resettlement chuan sipai huaisen leh pasaltha World War-II veterans la damte hnenah chawimawina thilpek a hlan. He ni puala mi thahnemngai, tanpuina sumfai hlantute zawng zawng chungah an lawm thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy