Daily Newspaper

Army Chief Myanmar-ah kal mek

26

Chief of the Army Staff Gen. Manoj Naravane leh Foreign Secretary Harsh Vardhan Shringla te chuan October 4-5 chhungin Myanmar an tlawh thu Ministry of External Affairs chuan a tarlang.

Gen. Naravane leh. Shringla te hian State Counsellor Daw Aung San Suu Kyi leh Commander-in-Chief of the armed forces, Senior General Min Aung-Hlaing te an hmu ang, tiin Ministry of External Affairs thuchhuah chuan a tarlang bawk a.

“Myanmar tlawh hian ram pahnih tena inzawmna neih mekte enfiahna hun leh thawhdunna tihngngheh zualna a thlen dawn a ni,” tiin thuchhuahah tarlan a ni bawk.

January 2000 khan khatihlaia Army Chief Gen. V.P. Malik chuan Myanmar a lo tlawh tawh a, chu mi rah kal zelah Kuly 2017 khan General Min Aung-Hlaing an India a tlawhnaah military agreement siam a ni ta hial a ni. India northeast a counter-insurgency operation chungchang bakah inremna siamah hian Myanmar sipaite defence training-na hmuna training tir te a tel a ni.

Tuna inbiakna neih tur hi a pawimawhna a tam hle dawna ngaih niin a bik takin Myanmar sipai tena Chittagong ramri hnaiaha chetlakna nasa zawk an neih vang a ni a. Dhaka chuan he mi chungchangah hian Myanmar Ambassador chu a ko hial nghe nghe a ni.

Rakhine province a sipai tam zawk dah chuan Myanmar atanga Rohingya refugee tam zawk a thlen hlauhna a lian hle bawk a. Bangladesh chuan Rohingya refugee te Myanmar a an let leh theih nana hma la turin India a ngen nghe nghe a ni.

September 29 a Joint Consultative Commission meeting External Affairs Minister S. Jaishankar leh Foreign Minister of Bangladesh A.K. Abdul Momen ten an neihah Rohingya chungchang chu Security Council-ah Myanmar nawr nana India chu sawichhuak turin a ngen a.

Foreign Secretary Harsh Vardhan Shringla chuan tuna inbiakna neih turah Bangladesh ngaihmawh hi Myanmar hnenah a sawi chhuak dawn nge hriat a ni rih lo va. Rakhine State Development Programme sawiho ngei tur ni thungin hei hi India tana a pawimawhna em em chu Rakhine State a ngelnghehna tha a awm theih nan infrastructure building a kalpui mekna a nih vang a ni.

Internally Displaced People (IDPs/Rohingya) of Myanmar te tan India chuan Rakhine State ah hian chenna In 250 sak sak tawhin tanpuina buhfai, noodles leh thil dang te thahnem tak a lo pe tawh a.

India-in Myanmar a tanpuina thawh hnihna a kalpui mekah porject 12 hmangin solar power infrastructure, agricultural mechanisation leh road construction te a thawk mek a ni. Hei bakah hian Rakhine-ah India chuan skill training centre din a rawt bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy