Daily Newspaper

Arngeng leh cancer damdawi theihai

46

Theihai hi ‘king of all fruits’ te pawh an lo ti hial a, mahse, mizo ten theihai thatna hi kan la hmelhriat lo hle. Chutiang ni thei tur chuan engtiang chiaha tha nge maw a lo nih reng reng le? Mithiam te chuan theihaiah hian vitamins, minerals leh antioxidants a pai hnem hle niin an sawi a, chungte chu vun (skin) tan a tha hle a ni.

Dr Apratim Gael, dermatologist chuan, “Theihai hian beta carotene (Vitamin A) a pai hnem hle a, chu chu antioxidant chak tak a ni. Rejuvenation effect (rejuvenation= ti lang naupang, ti lang thar, siam tharleh) a neih mai piah lamah Vitamin A hi arngeng tan pawh damdawi tha tak a ni. Beta-Carotene chu mit tan pawh a tha hle a, thim zinga thil hmuh fiah theihna tura mit tichaktu a ni bawk. Chuvangin theihai hi arngeng enkawl nan pawh kan chawh fo a, vuna a hnawiha hawih pawhin a tha hle a ni,” a ti.

Theihai-ah hian fibre a tam a, calorie leh sodium a pai tlem leh tlat thung a, Vitamin A a tam a, chutiangin Vitamin B leh C bakah Potassium, Calcium leh Iron te pawh a pai tel.

Zirchianna neitu te chuan theihaia phenols leh enzymes awm te hian anti-cancer properties an nei tihte pawh an hmuchhuak thar zel.

Dr Satish Bhatia, dermatologist chuan, “Theihaia phenols leh enzyme-te hian vun leh sam (hair) an ti hrisel a, diabetes control a tanpui thei a, kan taksain natna a dolet theihna a tichak thei bawk. Vitamin B3 leh B-Complex te awmin, chu chuan sam a tichak bawk a ni.

“Theihaia enzyme, Mangiferin hian vun leh thildang cancer turte pawh a veng thei a ni,” a ti.

Nutritionist-te chuan theihaiah hian fat a awm mang lo niin an sawi a, chutihrualin cholesterol level a tihniam thei a, natural sugar tha tak a ni bawk. Clinical nutritionist Dr Nupur Krishnan chuan theihai-ah hian fibre a tam niin a sawi a, Vitamin A chu vun tan a tha hle ni a sawiin, Vitamin A tlakchham vangin vun a dâng a, vun kua a zau a, arngeng insiamin, kiu leh khup te pawh a dum duh bik niin a sawi.

Dr Goel chuan, regular taka theihai ei hian kan complexion a ti nalh a, vun a ti nêm bakah a ti êng ni a sawiin, “Theihai hi antioxidant tha tak a ni a, carbohydrates a pai leh mang lo thung. Tryptophan a pai hnem hle a, chu chu mihringa hlimna thlentu ‘happiness-hormone’ serotonin insiamnaa tanpuitu tha tak a ni,” a ti.

Iron a pai vangin nu, naupai te leh anaemia neite tan a tha hle a, theihai kâwr-ah hian AHA (alpha hydroxyl acids) a tam hle a, chu chu vun tan a tha hle niin Dr Goel chuan a sawi a, “Vun ti lang thar a, ti lang naupanga, siamthar lehtu a ni. Cell turnover rate pawh a tichak bik a ni,” a ti.

Aesthetician Ritu Tanwar chuan, “Theihai hmin tha tak kâwrin, dim deuhin i hmai chu minute rei vak lo hru thin rawh. Theihaiah hian vun ti mama ti lang naupang thei tu a awm. Vitamin C a pai tam a, chu chuan collagen formation a tanpui a, chu chu vun ti mar tu tha tak a ni,” a ti ve bawk.

Theihai thatna chungchang hi Times Of India-ah tihchhuah a ni a, kan rawn tarlang ve a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy