Daily Newspaper

Arsenal-ah Ben White

17

London club lian Arsenal chuan hun rei tak chhung lak tuma an umzui tawh Ben White chu an la thei dawn ta nge nge a. Brighton nen Ben White manah hian £50m in an inrem tawh a, indawr fel thuai tura ngaih a ni.

English defender hmasawn tak White hi a rawlthar laiin Southampton in an chhuah zelen ringawt a, Brighton & Hove Albion in an la lut zaih. Brighton-ah hian hma a sawn chak hle a, kum 23 mi a nih meuh chuan England tan khel tura koh a ni ta hial. Hma a sawn chak dan ngaihtuahin lo hnawl tawhtu Southampton hi an inchhir ve hle tura ngaih a ni. Brighton-ah pawh hian hmun a chang nghal mai thei bik lova, club hrang pathum ngawth loan in a khel chhuak.

Euro 2020 khelh dawn tep khan Liverpool defender Trent Alexander-Arnold a inhliam a, ram aiawhin a fehchhuak thei lo. Arnold hmun ruak luahtu atan Ben White hi England manager Gareth Southgate chuan a ko. Defender nei tha tak England tan hian Euro 2020-ah a inlan phak lo thung.

European competition hmachhawn phak lo Arsenal hian an squad thuam chak hna an thawk chho mek a, Benfica atangin left-back Nuno Tavares chu £8m sengin an la lut fel tawh a. Vawihnih an dawr hlawhchham hnuin Ben White pawh an la lut thei dawn ta bawk. Tarlan tawh angin Arsenal leh Brighton te hi Ben White man leh mualah £50m in an inrem tawh a. Inla lut fel turin ziah fel ngai neuh neuh an la nei nual dawn thung. Heti chung hian hun reilote hnuah Arsenal in Ben White an lak luh thu an puan chian theih a beiseiawm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy