Daily Newspaper

Arsenal an buai zual zel

7

Inrinni zana English Premier League khelhah team talbuai Arsenal chu Everton hneh lovin an tlawm zui leh a, hmsawn a hnekin an buai zual zel. London club lian Arsenal tan hian champion tum ngam a ni tawh lova, Championship lamah tlahniam lo tura beih a, him hram tum an mamawh zawk niin a lang.

Arsenal hian season kal meka chetha, season bul tan tha ber Everton chu an tualzawl; Goodison Parkah an luhkhung a. An lama an tih goal hmasak zet hnuin Pepe penalty hmangin an si phurh sut zet mahse Yerry Mina goal hmangin tlawm zawkah an tang zui leh ta thung. Goodison Park-a goal thum lutte hi chawlhlawk hmaa lut vek a ni a. Chawlhlawk hnu lamah team hnihte an indang bet tluan.

Goodison Park-a inkhelah hian Arsenal in bul tan chhe lem lo mahse minute 22-naah Gunners defender Rod Holding chuan an lamah a ti-goal palh a, mual neitu hmahruaina goal a thunsak. Minute 35-naah Tom Davies chuan box chhungah Ainsley Maitland-Niles laka a chetsual vangin penalty a chawi. He penalty hi an player manto ber Nicolas Pepe chuan a pet goal an si phurh a sut. Pepe goal thun vangi Arsenal an phur a, mit la takin an inlan zui.

1-1 a nih hnu hian Everton in thapui an thawh zui leh a, chawlhlawk dawn hnaih minute 45-naah Gilffi Sigurdsson siamsak atangin Yerry Mina chuan goal a thun a, an mualah hma an hruai nawn leh a, 2-1 hmahruai chungin chawlhlawk an hmang.

Chawlhlawk hnu lamah team hnih ten goal thun tumin tan an khawh a, an innawr tawn nasa hle. Arsenal tan tlawm pumpelh a pawimawh tak zet a, point hlawhchhuah tumin tan an khawh zui nasa hle bawk. Inkhel hmuhnawm ang reng takah goal dag a luh belh thei tawh lova, Everton chuan team talbuai Arsenal lakah hnehna pawimawh tak changin hma panin an kal zel a, hma an sawn chho chak leh viau tawh a, pahnihnaah an inhlangkai leh der tawh a ni. Hetihlai hian Arsenal erawh an buai zual zel thung a, 15 naah la awm zui zel mahse tlakhniam lam an hnaih ve zel thung.

London club lian Arsemal hian season thara EPL vawi 14 an khelh atangin point 14 an hmu a, an khelh apiangin point khat hmu zel ang an ni. Hei hi kum 1974-75 hnu lama bul an tan chhiat ber tum a ni.

Arsenal leh Everton te hian Carbao Cup lamah khingpui hautak tak an nei zui leh nghal dawn. Arsenal hian champion lai Manchester City chu quarter final-ah an mikhual ang a. Everton hian semi final luh tumin Manchester United an hmachhawn ve bawk ang. Carabao Cup quarter final an khel zawh hnuin Arsenal hian EPL-ah London derby an hmachhawn a ngai dawn a, team tha thar Chelsea chu Emirates Stadium-ah an mikhual zui leh ang. Chelsea an hneh thei a nih chuan hma lam pan turin phur tharna nasa tak an nei ngei ang a, an chak lo a nih erawh chuan tlak hniam an hnaih hle thung ang a, an tan hmasawn a har leh zual sauh tura ngaih a ni ve thung. Everton hian inrinni zan khian khualmualah Sheffield United an hmachhawn ve thung ang.

Inrinni zana inkhel dangah Newcastle United leh an mikhual Fulham te chu 1-1in, an inhnehtawk ve thung. Newcastle hian own-goal leh red card chhawr tangkaiin an mikhual draw thei hram a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy