English Premier League champion Arsenal chuan hun rei tak lak tuma an dawr hnuin Newcastle United captain Bruno Guimaraes chu £75m sengin an la fel ta nge nge.
Season tharah tha zual zawka inlan tum Arsenal hian Brazil midfielder Guimaraes hi £70m senga lak tumin an dawr phawt a, Magpies in sum tam zawk an phut vangin an hlawhtling zo lo. Sum tam zawk nen an thawkchhuak leh a, Guimaraes ngei pawh hian Arsenal hi zawm a lo chak ve hle bawk si a, ui viau mah se Newcastle in an dang zo lova, Guimaraes hian kum li cham turin Emirates Stadium a pan fel ta a ni.
Gunners hian Newcastle United leh Brazil midfielder Bruno Guimaraes hi an awt hle a, nipui bazar inhawn chhunga an lak tum berah an dah. Brazil tan World Cup khela a zinchhuah vangin hmaichhanah an la titipui thei lo reng. World Cup an khelh zawh hnuin Spain a Newcastle in training an neihna hmun La Manga a zawm. Arsenal nen an inzawr fel hnuin an training camp a chhuahsan. Captain a nihna Newcastle United chu a mangtha fel zui nghal.
Arsenal midfielder thar Guimaraes chuan Newcastle chhuahsan chu thil awlai lo tak a nih thu a sawi a, chona thar hmachhawn a duh thu a sawi tel bawk. Arsenal player te pawhin Guimaraes hi an team a khel turin an duh viau a, an hnen pan tura sawmna thu an thawn hlawm a. Chung zingah chuan muallaia a kawppui tur Declan Rice a tel.
Midfielder mit la tak Bruno Guimaraes hian January 2022 khan Newcastle United a zawm. Hetihlai hian Newcastle dinhmun hi a chhe viau a, EPLL-ah him hram tumin an beisei. Guimaraes an lak luh hnuin an khel tha leh zual a, EPL-ah an inhamtang ta nge nge. Player pawimawh tak niin captain hial a ni chho va, sason liam ta khan hun rei tak hnuah trophy a lak pui ta hial a ni. Magpies tan hian inelna hrang hrangah vawi 195 khela goal 31 thun tawh a, season liam ta khan an club top-scorer a ni.
Newcastle hian nipui bazar inhawng mekah an player tha pathum ngawt an ch^n tawh. An player langsar Sandro Tonali chuan Tottenham a pan a, La Liga champion Barcelona in Anthony Gordon an lakah bakah an captain Bruno Guimaraes chu Arsenal in an chhuhsak leh bawk. An player pawimawh pathum ngawt an ch^n bakah hian an head coach Eddie Howe a chhuak leh zel bawk nen season tharah chetha turin chona hautak an hmachhawn a ngai dawn.
Arsenal in Guimaraes an la fel
