Daily Newspaper

Arsenal in Partey an awt

9

London hmar veng club lian Arsenal chuan Atletico Madrid leh Ghanian midfielder Thomas Partey chu lak luh ngei an duh hle a, an player pawimawh pahnih Guendouzi leh Lacazette nen inthleng an phal

Gunners hian Partey hi an muallai thuamchaktu atan an awt hle a, nipui bazar tantirh ata tawh kha an player lak duh ber atan an dah tawh. Champions League an khelh phak loh bakah Covid 19 hripui leng vangin an duh ang bazarna an nei thei lova, Atletico Madrid in an chhiarna zat £44m in an lei ngam mai lo. Defender thar pahnih Gabriel Magalhaes leh William Saliba te an la lut tawh a, winger tha tak Willian an la lut tawh tawh a, Real Madrid atangin Ceballos an hawh fel leh tawh bawk. An mual lai thuam chaktu turin Partey hi an la mamawh belh a, lak hram dan kawng an la dap.

Partey man atan hian player tha pahnih an thehchhuak phal ta hial a, midfielder thang duang tak, manager Arteta nen an inhmuh thiam loh vanga hmun lum chang phak ta lo Matteo Guendouzi bakah Juventus pawhin an ngaihven striker Alexandre Lacazette an pe phal ta hial. Lacazette tak phei hi chu Atletico Madrid pawh hian an lo ngaihven tawh hial a, Arsenal tawktarh tha tak hi hnar har an ti hlein a rinawm.

Thomas Partey ngei pawh hian Arsenal zawma chak thu a lo sawichhuak ve tawh bawk a. London hmar veng club in player tha pahnih nen inthleng an dilna hi Atletico Madrid hian pawm in, an inrem theih a beiseiawm niin infiamna chanchin thar puangzartu hrang hrangte chuan an tarlang hlawm

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy