hunzawm a ni a, Arsenal chuan an mikhual Sheffield United chu si nga faiin an sawp a, awlsam takin point thum an hmu. Awlsam taka Arsenal an chak laiin Chelsea chu Stamford Bridge-a an mikhual Brentford lakah si hnih faiin an tlawm ve thung.
Arsenal tan Nketiah a inlar
Chelsea lakah tlawm an pumpelh hram hnuin Arsenal an khel tha chhunzawm a, Champions League-ah an chak hnuin EPL-ah chiang zetin an chak zui leh. Si nga faia an mikhual Brentford an sawp tumin Eddie Nketiah a khel tha hle a, hattrick a siam. Brentford sawptu Arsenal hian season tharah tlawm an la nei lova, Tottenham hnuaiah awmin, pahnihnaah an ni mek.
Emirates Stadium-a an mikhual Brentford lakah Eddie Nketiah chuan minute 28 naah hmahruaina goal a thun. Khelh tha in, an mikhualte nawr viau mah se chawlhlawk hmain goal dang an thun belh thei lova, si khat faia hmahruai chungin chawlhlawk an hmang.
Chawlhlawk hnu lamah Gunners an khel tha chhnzawm a, a khat mawi tawkin laipui a puak. Arsenal hian hmahruaina goal thuntu Nketiah chuan minute 50-naah Saka corner pet atanga ball kal chu hnaite atang in chiang fahranin a pet goal a, an goal hnihna a thun. Si hnih faia hma an hruai hnuin Gunners an khel tha chhunzawm a, goal an thun belh leh thuai. Goal hnih thun tawh Nketiah chuan minute 58-naah Smith Rowe hnen atanga ball a hmuh chu box pawn atangin tha zetin a pet goal a, an goal thumna thunin, hattrick a siam.
Si thuma hmahruai tawh Arsenal hi hun tawp dawn hnaihah an che fuh nawn leh a, goal hnih an thun belh leh. Oliver Norwood foul vanga penalty an hmuh chu Fabio Vieira chuan minute 88-naah pet goal in an goal lina a thun a. Hun pek belh minute 90+6 ah Takehiro Tomiyasu chuan a tawp khar nan goal a thun a, an mualah 5-0 in an chak zui ta a ni.
Sheffield United lakah an chak leh tak vangin Arsenal hian tlawm an nei lo tluang zel a, khelh 10 atanga point 24 hmuin, pahnihnaah an luah a. An chunga awm Tottenham nen an inkarah point hnih a tla zep mek. Tlawm nei lova Arsenal an kal zel laiin Sheffield United erawh a che chhe tluang viau thung a. Khelh 10 atanga point khat chiah la hmuin, table hnuai ber an luah nghet deuh deuh zel.
11-naah Chelsea
Beisei anga season tan tha lo Chelsea chu Inrinni zan khan an mualpho nawn leh a, Stamford Bridge a an mikhual Brentford lakah si hnih faia tlawmin, 11-naah an tlahniam. Sum seng hnem Blues hian manager thar Mauricio Pochettino hnuaiah hma an sawn tak tak thei lo.
Hma lam pan tura chak mamawh Chelsea hian an mikhual Brentford lakah bul an tan tha a, goal an thun nghal teuh hle. Uiawm taka an hun tha an hloh hnuin chawlhlawk hmain hun tha vawi thum ngawt an hlah zui leh a, goal awm lovin chawlhlawk an hman a ngaih phah.
Chawlhlawk hnu lamah Brenford an khel tha ve thung a, anni hi chuan goal an thun ta thuai thung. Brentford hian an hun tha neih hmasak ber goal-ah an chantir a, Mbeumo siamsak tha tak chu Ethan Pinnock chuan chiang zetin a tauh goal a, hmahruaina goal a thun. Hun tawp dawnah an si phurh sut an tum luatah Chelsea an chesual a, Brentford hian fuh taka nawr tlangin Bryan Mbeumo chuan minute 90+6-ah goal ruakah awlsam takin a pet goal a, an chakna a nem nghet a. Team lian lakah si hnih faiin an chak zui ta a ni.
Arsenal in Sheffield an sawp
