Zanin zanlai dar 1:00 hian English Premier League-ah inkhel ngaihven hlawh tak a awm dawn a. Table-a hmahruai mektu Arsenal chuan an elpui lian ber, an hnuai chiaha awm Manchester City chu Emirates Stadiumah an mikhual dawn. Emirates stadium a team lian pahnih inhmachhawn tur hi an tan season kal meka inkhel pawimawh ber a ni thei ve ve dawn.
Hmahruai mektu Arsenal hian zanina an mikhual tur Manchester City hi an lo hneh thei a nih chuan vawikhata khel tlem zawk chungin, point rukin hma an hruai fal dawn a. Champion theih na hun tha leh zual an nei dawn. An mualah an tlawm a nih erawh chuan an hmahruaina an hloh dawn vangin City an hmachhawn tur hi an tan fiahna pawimawh leh hautak a ni.
Champion lai City hian Mimualah Arsenal an hneh thei a nih chuan goal difference-a tha zawk an nih vangin hmahruaitu thar an ni dawn a. Etihad Stadium-ah Arsenal hi an la mikhual dawn bawk vangin champion theihna hun tha zual zawk an nei thei dawn a. Zanin hian tlawm an pumpelh thei a nih chuan champion turin an hlawkpui thei hle ngei dawn.