Pathianni zan dar 10:00 khian Wembley Stadium-ah English Caraboa Cup final khelh a ni dawn a. Season kal meka English club chetha fal pahnih Arsenal leh Manchetser City te an inhmachhawn dawn. City hneha an champion hlauh a nih chuan trophy pali la thei dinhmuna ding mek Arsenal tan season kal meka an trophy hmasa ber a ni ang.
Tarlan tawh angin Arsenal leh City te hi season kal mekah an chetha dun viau a, Arsenal hi trophy lian pali la thei dinhmunah an la ding mek. Carboa Cup final an khelh dawn bakah EPL-ah point kua nawtin an sang fal tawh a. FA Cup leh Champions League-ah quarter-final an lut ve ve tawh bawk. Gunners in trophy lian pali lak kawp an tumnaa an kawng dal thei ber tur chu Manchester City hi an ni. Pathianni zanah an chak a nih chuan City hian Arsenal tum pakhat an tihthlawnsak nghal pang dawn.
City hi Champions League las 16 paltlang zo lovin tla tawh bawk mah se EPL-ah Arsenal hnaih bertu an ni a. FA Cup-ah pawh Arsenal kawng dal theihna hun tha an la nei bawk. Trophy lian pali la kawp thei ta lo mah se trophy pathum la thei dinhmunah an la ding tho thung a, an dinhmun a chhe lo hle. Arsenal kawng daltu lian tak an ni thei a, Arsenal hi an kawng daltu lian ber an ni ve thei tho bawk. Arsenal leh City in trophy an inchuh pakhat chu chin fel a ni thuai dawn e.
Arsenal tan trophy hmasa
